Njësitet e Policisë së Kosovës mëngjes e sotëm kanë nisur një aksion në Gjakovë.
Aksioni po zhvillohet në disa pika dhe ka të bëjë me luftën kundër fajdexhinjve.
Zëdhënësi i Policisë, Sheremet Elezaj pohon se aksioni në fjalë po zhvillohet në bashkëpunim me Prokurorinë.
Elezaj nuk ka bërë të ditur nëse ka të arrestuar deri më tash, pasi siç ka thënë, operacioni është në fazën fillestare.
“Jemi në fazën fillestare. Policia në bashkëpunim me Prokurorinë e Shtetit është duke e zhvilluar një aksion kundër fajdeve në Gjakovë. Detaje në lidhje me këtë aksion nuk mund të japin njëherë për shkak se operacioni është në fazën fillestare”, ka thënë Elezaj.
