Dy persona janë arrestuar gjatë mbrëmjes të së martës në Mitrovicë nën dyshimit se pas një aksidenti në trafik kanë sulmuar një burrë dhe një grua në vendin e ngjarjes.
Në raportin 24-orësh të Policisë është thënë se gruas që kanë sulmuar, i kanë shkaktuar lëndime të rënda, për çka është dërguar në Qendrën Klinike Universitare të Kosovës për trajtim.
“Rr. Fadil Deliqi, Mitrovicë Jugu 15.09.2025 – 23:16. Raportohet se pas një aksidenti në trafik, dy të dyshuar meshkuj kosovarë kishin sulmuar fizikisht viktimën mashkull kosovar dhe gjatë largimit nga vendi i ngjarjes kishin goditur edhe një femër duke i shkaktuar lëndime të rënda, e cila ishte dërguar në QKUK – Prishtinë”, thuhet në njoftimin policor.
Të dyshuarit janë arrestuar dhe pas intervistimit janë dërguar në mbajtje.
