Një aksident trafiku është raportuar sot në qytetin e Vushtrrisë, ku një person i moshuar që po lëvizte me biçikletë dyshohet se është goditur nga një veturë.
Sipas informacioneve të para, ngjarja ka ndodhur në orët e paradites në një nga rrugët kryesore të qytetit. I moshuari ka pësuar lëndime trupore dhe është dërguar me urgjencë për trajtim mjekësor. Ende nuk dihet gjendja e tij shëndetësore.
Policia ka dalë në vendin e ngjarjes dhe ka nisur hetimet për të sqaruar rrethanat e aksidentit.
