Një person ka vdekur në rrugën “Bardh i madh” në Drenas, në një aksident rrugor të dielën në mbrëmje.
Zëdhënësja e Policisë për rajonin e Prishtinës, Flora Ahmeti tha se në aksidentin që ndodhi rreth orës 17:00, është përfshirë një veturë në lëvizje dhe një këmbësor.
Vdekjen e këmbësorit, sipas Ahmetit, e ka konstatuar ekipi mjekësor në vendin e ngjarjes, derisa Policia po punon në zbardhjen e rrethanave të rastit.
“Rreth orës 17:00 kemi pranuar informatën se në rrugën ‘Bardh i madh’-Drenas, ka ndodhur një aksident trafiku me pasoja fatale. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime të rënda trupore ka pësuar këmbësori, i cili nuk ka arritur t’i përballojë plagët dhe i njëjti ka ndërruar jetë”, ka thënë zëdhënësja Ahmeti.
