Një aksident i rëndë ka ndodhur para pak çastesh në fshatin Bukosh të Suharekës, ku raportohet se janë lënduar katër persona.
Sipas lexuesve të KosovaNews, të cilët kanë dërguar fotografi lidhur me rastin, në vendin e ngjarjes kanë dalë ekipet policisë e emergjencës, të cilët të cilët të lënduarit i kanë dërguar në Spitalin Rajonal të Prizrenit për tretman mjekësor.
Sipas lexuesve, të lënduarit janë banorë të fshatit Vraniç të Suharekës.
Në bazë të fotografive të dërguara në adresën e KosovaNews, shihet se në aksident janë përfshirë dy vetura, njëra e tipit GOLF dhe tjetra e tipit Passat.
Lidhur me rastin, KosovaNews do t’ju informojë më shumë po sa të marrë informacione zyrtare nga Policia Rajonale e Suharekës.
