Ashtu siç kishte premtuar, Lumir Abdixhiku ka nisur turneun e falënderimit, duke u ritakuar me elektoratin që i dha mbështetje Lidhjes Demokratike të Kosovës, në zgjedhjet e 9 shkurtit.
Turneu nisi në Lllap, ku pas iftarit Abdixhiku u takua me llapjanë të shumtë, për një mbrëmje me biseda e diskutime.
“Mes njerëzve të Kosovës, aty ku buron dhe qëllimi politik. Mes mbështetësve tanë e jo vetëm, ku ndërtohet rrugëtimi ynë. Sa kënaqësi të shoh kërkesën e qartë dhe këmbëngulëse të njerëzve tanë për të vazhduar me plot insistim në rrugëtimin e përcaktuar të Lidhjes sonë. Kur zëri qytetar përputhet me angazhimin politik, ndihemi të plotësuar”, u shpreh Abdixhiku.
Ai tha se do të jetë në të gjithë Kosovën, për të falënderuar sa më shumë 171 mijë votuesit e LDK-së dhe jo vetëm.
Ky është postimi i plotë i tij:
Sonte, pas iftari, qëndrova në Llap, mes njerëzve zemërhapur të kësaj ane. Plot mikëpritje, e përplot biseda të çastit me ata që u takuam sonte në një mbrëmje të zakonshme llapjane.
Mes njerëzve të Kosovës, aty ku buron dhe qëllimi politik. Mes mbështetësve tanë e jo vetëm, ku ndërtohet rrugëtimi ynë. Sa kënaqësi të shoh kërkesën e qartë dhe këmbëngulëse të njerëzve tanë për të vazhduar me plot insistim në rrugëtimin e përcaktuar të Lidhjes sonë. Kur zëri qytetar përputhet me angazhimin politik, ndihemi të plotësuar.
Ky zë do të dëgjohet!
Le të jetë ky dhe fillimi i Turneut të Falenderimit për të gjithë 171 mijë – dhe jo vetëm – mbështetësit tanë. Do të jem në gjithë Kosovën për të ju falenderuar sa më shumë; e për të lidhë fort e ngushtë secilin hap tonin!
