Kryetari i Lidhjes Demokratike të Kosovës, Lumir Abdixhiku, ka kërkuar lirimin e policëve kosovarë që u kidnapuan nga forcat serbe.
Ai po ashtu tha se në këtë situatë vihet re domosdoshmëria e aleancës me bashkësinë ndërkombëtare.
“Të tre policët e rrëmbyer i presim në shtëpi. Ky është borxhi ynë si Republikë përballë agresionit luftënxitës të Serbisë. Lirimi i tyre i menjëhershëm është domosdoshmëri”, ka shkruar Abdixhiku në Facebook.
“Për këtë lirim, bashkërendimi e përafrimi me aleatë është i paalternativë. Prandaj, sot, bie dhe perdja e naiviteti popullist që këtë bashkërendim e shihte si dobësi. Dobësi e vetme është thirrja e vonuar për ndihmë, pasi je poshtëruar”.
“Kosova nuk e meriton një ditë të tillë. Sot, kërkojmë përgjegjësi politike institucionale nga Kryeministri dhe vartësi i tij. Ushtrimi i sovranitetit të vërtetë kërkon mençuri”.