Sot në disa media në Kosovë u raportua se Qeveria e Kosovës ka ndarë 100 euro shtesë për zyrtarët publikë, e këtë përmes një postimi e mohoi zëdhënësi i Qeverisë, Përparim Kryeziu.
Ai tha se nuk i kanë ndarë nga 100 euro shtesë për zyrtarët publikë por janë ndarë vetëm mjetet shtesë prej 32 mijë euro për rastet e ankesave dhe gabimeve për punëtorët e ndërmarrjeve publike për masën 3.6.
“Në mbledhjen e sotme nuk ka pasur një vendim të tillë. Sot janë ndarë vetëm mjetet shtesë prej 32 mijë euro për rastet e ankesave dhe gabimeve për punëtorët e ndërmarrjeve publike për masën 3.6, e cila ishte ekzekutuar në vitin e kaluar në kuadër të Pakos për Ringjalljen Ekonomike”, shkroi Kryeziu.
