Ashtu si shumica e njerëzve, ndoshta e lini derën e lavatriçes hapur pasi të keni larë rrobat — për të parandaluar mykun dhe aromat e pakëndshme. Megjithatë, ekspertët pohojnë se ky zakon nuk është gjithmonë i mirë dhe mund t’ju bëjë më shumë dëm sesa dobi.
Një përfaqësues i kompanisë amerikane të pastrimit Emily’s Maid nga Dallasi paralajmëron se lavatriçet janë një vend ideal për rritjen e mykut dhe se klientët rrallë paralajmërohen se dera e lavatriçes nuk duhet të lihet hapur për shumë kohë.
Pse?
“Është një hapësirë me lagështi dhe e errët, shumicën e kohës e mbyllur, gjë që është e përshtatshme për zhvillimin e mykut dhe aromave të pakëndshme”, shpjegojnë ekspertët.
Edhe pse myku mund të zhvillohet në çdo lavatriçe, modelet me ngarkim nga përpara janë veçanërisht të ndjeshme. “Mbulesa” e tyre prej gome shpesh shërben si “ushqim” për mykun. Pasojat? Era e pakëndshme e rrobave të sapolara.
Si të parandaloni mykun në lavatriçe?
Për të filluar, pastroni lavatriçen rregullisht dhe tërësisht — duke përfshirë pjesët prej gome dhe sirtarët e detergjentit, të cilat janë vatra të zakonshme të mykut. Ekspertët rekomandojnë që të përdorni periodikisht një cikël larjeje bosh me zbardhues dhe ujë të nxehtë për të dezinfektuar lavatriçen.
A është e mençur ta lëmë derën e makinës hapur?
Shumica e njerëzve e lënë derën hapur për të lejuar ventilimin. Megjithatë, gjetjet e reja thonë se as kjo nuk është ideale.
” Mjafton ta lini derën hapur vetëm për pesë minuta pasi të keni nxjerrë rrobat. Sidomos nëse banjo është e nxehtë dhe me avull pas larjes në temperatura të larta “, këshillon ekipi i ekspertëve. Kjo do të lejojë që lagështia e tepërt të avullojë dhe në të njëjtën kohë të zvogëlojë rrezikun e mykut.
Një këshillë tjetër — nëse keni mundësi, ndriçoni zonën përreth lavatriçes me dritë dite, sepse mykut i pëlqejnë më shumë vendet e errëta dhe të lagështa.
