Deputeti i Kuvendit të Kosovës nga radhët e Lëvizjes Vetëvendosje, Enver Dugolli, është shtrirë në spital dhe ka kryer një ndërhyrje kirurgjike në palcën kurrizore.
Lajmin për shtrimin e deputetit në spital e ka dhënë zëvendësministri i Mbrojtjes, Shemsi Syla, i cili më parë ka punuar bashkë me Dugollin në FSK.
“Në spitalin shtetëror të Prishtinës, shoku Enver kaloi edhe një sfidë në përballjet e shumta jetësore. Falë duarve të arta të neuro-kirurgut, dr. Faik Qosja dhe ekipit të tij të mrekullueshëm, ai me sukses kreu ndërhyrjen kirurgjike në palcën kurrizore. I urojmë mjekët për këtë sukses, e Enverit i urojmë shërim të shpejtë! Të shkuara e të harruara!”, ka shkruar në rrjetin social Syla, ndërsa ka publikuar edhe një fotografi së bashku me Dugollin.
