Një tërmet prej 7.8 shkallësh të Rihterit ka goditur të hënën juglindjen e Turqisë dhe veriun e Sirisë, duke shkaktuar vdekjen e qindra personave.
Sipas “CNN” deri më tani raportohet për mbi 500 të vdekur viktima dhe mijëra të tjerë të plagosur, ndërsa qindra qytetarë të tjerë kanë mbetur nën rrënoja.
Tërmeti ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin.
Në videon e mëposhtme shohim se si tërmeti fortë në pak sekonda a shkatërruar një ndërtese të terë.
Klikoni dhe shihni VIDEO-n
Menjëherë për këtë ngjarje reagoi dhe presidenti Erdogan i cili iu premtoi qytetarëve se do ta kapërcejë së bashku me ta këtë fatkeqësi, duke ofruar ndihmë për këdo person që është prekur nga tërmeti.
“Shpresojmë ta kapërcejmë këtë fatkeqësi së bashku, sa më shpejt të jetë e mundur dhe me sasinë më të vogël të dëmeve. Ekipet e kërkim-shpëtimit u dërguan menjëherë në zonat e prekura nga tërmeti dhe njësitë e tjera janë në gatishmëri”, shkruan Erdogan në rrjetet sociale.
