Koordinatori i Sekretariatit të Lëvizjes Vetëvendosje, Valon Hoti, ka publikuar emrat e disa punonjësve në Radio Televizionin e Kosovës e që sipas tij disa nga ta janë familjarë të opozitës.
Ai tha se kjo opozitë është sinonim i shkatërrimit çdokund ku kanë mundur, të tillë e kanë bërë edhe RTK-në.
Postimi i plotë:
Se kjo opozitë nuk ka asnjë kredo morale për të folur për korrupsion ajo punë dihet. Kjo opozitë është sinonim i shkatërrimit çdoku ku kanë mundur. Të tillë e kanë bërë edhe RTK-në, Radio Televizionin e Kosovës.
Më poshtë gjeni vetëm disa prej punësimeve familjare e politike, por jam i bindur që ka shumë më shumë:
- Drejtoresha e financave Adelina Hyseni e ka punësuar kontrate me sherbime motrën e vet.
- Babai i penzionuar i ish-zv.drejtorit gjeneral Lorik Arifajt, për më shumë 6 muaj ka marrë pagë në vlerë prej 800 euro nga RTK.
- Leotrim Thaci ishte punësuar me kontratë mbi vepër në pozitën menaxher për të drejta autoriale, pozitë të cilën e mbante i punësuari Naser Gjinovci.
- Me kontratë mbi vepër ishte punësuar vajza e Migjen Kelmendit.
- Në vitin 2021 ishte punësuar me kontratë mbi vepër Besnik Batusha, kryeredaktor i portalit Ballkani. – Që godiste çdo ditë LV-në.
- Gruaja e djalit të Enver Hasanit, Lirona Hasani, e cila e ka të kryer Fakultetin e Edukatës Fizike e punësuar në sektorin e IT.
- I është dhënë shpërblim financiar gruas së zv drejtorit gjeneral, Mentor Shala, Ramize Murtezi Shalës.
8.Vllau i gruas së Aleksander Lumezit ka marrë pagë në RTK në sektorin e TI me kontratë mbi vepër.
- Pagë të dyfishtë në RTK kanë marrë: Drejtoresha e Financave, Adelina Valla Hyseni dhe Udhëheqesi i Administratës Erzen Këpuska.
- Page nga RTK ka marrë edhe Milaim Zeka (pa shkuar kurrë në punë), bashkëshortja e Zekës si dhe bagjanaku i tij (më saktë: burri i motrës së gruas).
- Ish kryetarja e Bordit Aferdita Maliqi e ka punësuar djalin e dajës, Flamur Sopi, si dhe gruan e djalit të dajës në Bord. Flamur Sopi, përveç që është avancuar në titullin më të lartë, Mjeshtër zëri, ka marrë edhe pagë të dyfishtë me aneks kontratë.
- Ish kryetarja e Bordit, Afërdita Maliqi është nëshkruese e vendimit të paligjshëm për zgjedhien e Ngadhnjimit drejtor gjeneral.
- Adnan Merovci sa ka qenë kryetar i KPM e ka punësuar vajzën në RTK. RTK atëbotë ka pasur shumë borxhe financiare ndaj KPM-së.
- Xhevahire Izmaku sa ka qenë kryetare e komisionit parlamentar për media i është punësuar vajza në RTK Radio.
- Blerta Deliu sa ka qenë deputete i është punësuar vllau në RTK dhe mbante post të lartë të prokurimit.
- Djali i agjës së Xhavit Halitit, Arsim Haliti në postin e Udheheqesit te Produksionit.
- Drejtor i Marketingu, Arian Sahiti, miku i Abelard Tahirit.
- Udhëheqëse e skemës programore – motra e gruas së Hashim Thacit, Nergjivane Thaçi.
- Motra e Memli Krasniqit gjatë vitit 2019 ka marrë tender.prej RTK në vlerë prej 216 mijë euro.
- Gruaja e vllaut te Arben Gashit, Rozafa Metaj, është avancuar në pozitën udhëheqëse e programit për kulturë, dokumentar, edukativ dhe për fëmijë.
- Gruaja e vllaut të ish-drejtorit Festim Kabashi, e punësuar si gazetare në ëeb.
- Gruaja e ish-drejtorit Ngadhnjim Kastrati, është punësuar në RTK Radio, në kohën sa ka qenë Mentor Shala drejtor gjeneral.
- Gruaja e vllaut të Ridvan Berishës, e punësuar në RTK Radio në kohën sa ka qenë Mentor Shala drejtor gjeneral.
- Ish kryetarit të Bordit Rrahman Pacarizi i është punësuar gruaja si lektore në Radio, në kohën po ashtu të Mentor Shalës. .
- Jeta Citaku, motra e Vlora Citakut e punësuar në RTK para shume viteve.
- Gruaja e Njazi Thacit e punësuar në RTK.
- Reja e Gani Thacit e punësuar në RTK Marketing.
- Gruaja e ish këshilltarit të Thacit, Valmir Klaiqit e punësuar në RTK-Radio.
- Dhëndrri i ish-kryetarit të Bordit Sali Bashota, Liridon Konushevci i punësuar për 5 muaj me pagë në RTK,
- Doruntina Maloku, ish-deputete e LDK-së, ka punuar në RTK.
- Diellza Asllanaj, vajza e ish-kryetarit të Therandës nga LDK, Salih Asllanaj.
PRA, E KENI TË QARTË KUSH PO BËRTET!
