Në objektin e Ambasadës së Shteteve të Bashkuara të Amerikës në Kosovës sot është mbajtur një takim ku u diskutua për Asociacionin e komunave me shumicë serbe.
Nikoqir i këtij takimi, ku pjesëmarrës ishin përfaqësues të institucioneve, partive politike e shoqërisë civile, ishte ambasadori amerikan, Jeff Hovenier.
Në një deklarim në rrjetin social Twitter, zëvendëskryeministrja, Donika Gërvalla falënderoi ambasadorin amerikan ndërsa tha se Kosova ofron kornizë për të drejtat e pakicave.
“Falënderoj Ambasadorin Jeff Hovenier për pritjen e takimit të sotëm. Kosova ofron kornizën më të avancuar të të drejtave të pakicave në Evropë” – tha ajo.
Pas takimit u deklaruan edhe nga partia opozitare, PDK e drejtori ekzekutiv i Asociacionit të komunave të Kosovës, Sazan Ibrahimi.
