Sot janë bërë 24 vjet nga masakra që u bë në fshatin Rogovë të Hasit. 21 persona patën rënë dëshmorë më 29 janar të vitit 1999 në këtë masakër. Në pritë patën rënë luftëtarë të Ushtrisë Çlirimtare të Kosovës e civilë të fshatit.
Më 27, 28 dhe 29 janar kujtohen 30 të rënët në tri pritat në fshatrat Bishtazhin, Goden dhe Rogovë.
Aty heroikisht dhanë jetën: Agim Zeneli, Luan Smajli, Agron e Sejdi Rama, Pren e Meme Lleshi, Agush Gjoci, Valon Gashi, Bahtjar Morina, Daut Kelmendi, Emrush Çeta, Kasim Shala, Hamdi Berisha, Gezim Ademi, Haxhi Lypjani, Gasper Karaçi, Ilir Merturi, Naim Gashi,Naim Dreshaj,Sahit Krasniqi dhe Vesel Avdyli.
Sot i përcjellim disa prej fotografive të gazetës Koha Ditore, që dokumentojnë masakrën e rëndë në Rogovë.
