Specialistët e FSK-së po vazhdojnë të mbajnë ligjërata nëpër shollat e vendit për vetëdijesimin e nxënësve mbi rrezikun nga mjetet piroteknike dhe mjetet tjera eksplozive të pashpërthyera.
Ministri i Mbrotjes, Armed Mehaj tha se puna me nxënësit për këtë çështje është një ndër objektivat shumë të rëndësishëm gjatë kësaj periudhe si për ministrinë ashtu edhe për FSK-në.
“Specialistët tanë të Kompanisë së Deminimit dhe Asgjësimit të Mjeteve të Pashpërthyera, pas sezonit 9 mujor në operacion të pandëprerë në fusha të afektuara nga minat dhe mjetet tjera eksplozive, me sukses të lartë janë duke realizuar ligjëratat vetëdijësuese për nxënësit e shkollave të vendit, pa dallim të përkatësisë etnike”, ka shkruar ministri Mehaj.
Ai tha se interesimi i madh i nxënësve është dëshmi e fuqishme për rëndësinë e madhe që ka lënda “Edukimi për Siguri ” e cila do të jetë pjesë e programit shkollor për klasët e 11-ta që nga ky vit.