Varg takimesh me shtetet mosnjohëse të Kosovës ka zhvilluar ditët e fundit emisari i Bashkimit Evropian për dialogun Kosovë-Serbi, Miroslav Lajçak. Pas vizitës javën e shkuar në Prishtinë e Beograd, Lajçaku ka njoftuar për zhvillimin e dialogut të paktën katër shtete mosnjohëse.
Më 23 janar, Lajçaku në Twitter falënderoi Spanjën e Sllovakinë për mbështetjen dhënë dialogut. “U takova sot me ministrin e jashtëm të Spanjës, Malbares, për ta përditësuar atë për gjendjen e lojës në dialog. Ne kemi nevojë për progres të shpejtë në këtë moment kritik drejt normalizimit të marrëdhënieve ndërmjet Kosovës dhe Serbisë. Mirënjohës për Spanjën për mbështetjen e fortë ndaj përpjekjeve të BE-së”, pati shkruar Lajçak në Twitter për takimin me ministrin e Jashtëm të Spanjës, Jose Manuel Albares.
Met today with ?? FM @jmalbares to update him on the state of play in the Dialogue. We need quick progress towards normalisation of relations between Kosovo and Serbia at this critical juncture. Grateful for ?? strong support to the ??-facilitated efforts. ¡Gracias! pic.twitter.com/vjhL7cMbEz
— Miroslav Lajčák (@MiroslavLajcak) January 23, 2023
“E kam njoftuar për vizitën time të fundit dhe angazhimin tonë për normalizim të marrëdhënieve Kosovë – Serbi. E vlerësojnë përkrahjen e fortë të Sllovakisë ndaj të ardhmes së rajonit”, ka shkruar Lajçak për takimin me ministrin e Jashtëm sllovak, Rastislav Kaçer.
Emisari i BE-së ka pasur takim edhe me ministrin e Punëve të Jashtme të Qipros, Ioannis Kasoulides. “Ishte takim shumë i dobishëm për të diskutuar më të fundit e dialogut të lehtësuar nga BE-ja dhe për të këmbyer pikëpamjet tona”, ka thënë Lajçaku.
Welcomed the warm, friendly and open discussion with ?? FM @IKasoulides. It was very useful to discuss the latest in the ??-facilitated Dialogue and exchange our views. https://t.co/McYMampUNJ
— Miroslav Lajčák (@MiroslavLajcak) January 23, 2023
Të martën Lajçaku është takuar edhe me Sofia Grammatan, emisaren greke për Ballkanin Perëndimor. “Kam biseduar për përpjekjet e BE-së për avancim të normalizimit të raporteve në mes të Kosovës dhe Serbisë dhe rolin e rëndësishëm të Greqisë në rajon”, ka njoftuar Lajçaku.
With ?? envoy for the Western Balkans, I spoke about our ?? efforts on advancing normalisation of relations between Kosovo and Serbia and the important role of Greece in the region. pic.twitter.com/bL0yNROMH5
— Miroslav Lajčák (@MiroslavLajcak) January 24, 2023
Javën e shkuar, Lajçaku bashkë me katër zyrtarë të tjerë të lartë ndërkombëtarë, përfshirë këshilltarët e liderëve shtetërorë gjermanë, francezë e italianë dhe të dërguarin e Shteteve të Bashkuara të Amerikës për Ballkanin, Gabriel Escobar, qëndruan në Kosovë e Serbi për të diskutuar për planin evropian për dialogun. Nuk janë dhënë shumë detaje nga takimet. Megjithatë, Lajçaku u ankua për mungesë të mirëkuptimit nga ana kosovare, ndërsa në Serbi kualifikoi se ka qasje të përgjegjshme e vullnet për të marrë vendime të vështira. Qeveria në njoftimin zyrtar pati thënë se në takim kryeministri Albin Kurti ka shtruar nevojën për njohjen nga shtetet mosnjohëse të BE-së dhe anëtarësimin e Kosovës në organizata ndërkombëtare.
Janë pesë shtete të Bashkimit Evropian që nuk e njohin Kosovën: Spanja, Greqia, Qipro, Sllovakia e Rumania.
