Përfaqësues të lartë të Bashkimit Evropian dhe Shteteve të Bashkuara të Amerikës pritet të vijnë të premten në Prishtinë, në një fazë që paraqet dinamikë të re të dialogut Kosovë – Serbi, ka konfirmuar Bashkimi Evropian të mërkurën.
I dërguari i Shteteve të Bashkuara të Amerikës, Gabriel Escobar, i dërguari i Bashkimit Evropian për dialogun, Miroslav Lajçak, këshilltarët për politikë të jashtme dhe siguri të Gjermanisë (Jens Plettnerin), të Francës (Emmanuel Bonnin) dhe të Italisë pritet të jenë në Kosovë të premten.
Tw gjithw kwta do të takohen me kryeministrin e Kosovës, Albin Kurti, në Qeveri.
Zëdhënësi i Qeverisë, Përparim Kryeziu, ka thënë se në takim do të diskutohet mbi procesin e dialogut.
“Do të diskutohet për procesin e dialogut dhe hapat e ardhshëm drejt normalizimit të plotë të marrëdhënieve ndërmjet Kosovës dhe Serbisë, me njohjen reciproke në qendër”, ka thënë Kryeziu.
