Komuna e Rahovecit është vlerësuar më transparentja nga matjet e Institutit Demokratik të Kosovës (KDI) në bazë të Transparometrit Komunal, për periudhë Korrik-Dhjetor 2022.
Sipas publikimit të KDI-së, komuna e Shtimes dhe Obiliqit vlerësohen për përpjekje të ndjeshme për të përmirësuar transparencën në gjysmës e dytë të vitit 2022.
“Sot, #KDI në partneritet me konsorciumin e organizatave jo qeveritare “Aleanca Qytetare për Transparencë” ka publikuar ??????????????? ???????, ku pasqyrohen te gjeturat e nivelit të transparencës së institucioneve lokale për 38 komunat e Kosovës për gjysmën e dytë të vitit 2022 (korrik – dhjetor)”, thuhet në njoftimin e KDI-së.
Komunat janë vlerësuar në gjithsej 48 indikatorë specifikë që masin elemente të rëndësishme të qeverisjes së mirë dhe përmbushjen e obligimeve ligjore që lidhen me transparencën dhe llogaridhënien në raport me qytetarët e tyre.
“Bazuar në të gjeturat gjatë kësaj periudhe, 10 komunat të cilat prijnë me nivelin e transparecës në Kosovë janë ⬆️: komuna e Rahovecit me 90 pikë (93.75%), komuna e Lipjanit me 89 pikë (92.71 %), komuna e Prizrenit me 88 pikë (91.67 %), komuna e Drenasit, Gjakovës, Kamenicës, Pejës dhe Prishtinës me nga 87 pikë (90.63 %), komuna e Mitrovicës së Jugut me 86 pikë (89.58 %) dhe ajo e Podujevës me 84 pikë (87.5 %)”, bëhet e ditur në njoftim.
Ndërkaq, tutje tregohet se komunat që qëndrojnë më se keqi në raport me transparencën ⬇️janë ajo e Zveçanit me 43 pikë (44.79%), e Novo Bërdës me 37 pikë (38.54 %), e Parteshit me 35 pikë (36.46%) dhe e Zubin Potokut me 33 pikë (34.38 %).
KDI thekson se është për t’u vlerësuar fakti se gjatë gjysmës së dytë të vitit 2022, 82% e të gjitha komunave të Kosovës (31 komuna) kanë shënuar progres në transparencë krahasuar me periudhën e parë të vitit 2022. Vetëm 4 komuna kanë shënuar regres dhe 3 të tjera kanë pasur performacë të njejtë sikur në gjysmën e parë të vitit 2022.
“Rritjen më substanciale e kanë shënuar: komuna e Shtimes me 25 pikë, pra nga 55 pikë sa kishte në gjashtëmujorin e parë të vitit 2022 në 80 pikë për gjashtëmujorin e dytë të vitit 2022. Pas saj përmirësim të ndjeshëm kanë shënuar edhe komuna e Obiliqit me një rritje prej 23 pikësh, komuna e Klinës dhe Vushtrrisë me një rritje prej 17 pikëve, si dhe komuna e Deçanit me një rritje prej16 pikëve krahasuar me gjashtëmujorin e parë të vitit 2022”, thuhet nga KDI.
