Sopranoja kosovare nga Mitrovica, Elbenita Kajtazi e ka fituar çmimin e madh, respektivisht kurorën e vitit 2022 si artistja më e dalluar në qytetin e Hamburgut në Gjermani.
Kajtazi e ka ndarë këtë lajm të mirë përmes një postimi në rrjetin social Facebook.
“Mirëmëngjesi miq të dashur, sot nga gjumi në zgjoi mesazhi i profesoreshës time e cila më dërgoi linkun e një artikulli tjetër të shkruar në të cilin sipas portalit Klassik begeistert unë kam fituar kurorën e vitit 2022 si artistja më e dalluar në qytetin e Hamburgut… nuk ju gënjej dot qenka ndjenjë shumë e mirë”, ka shkruar Kajtazi.
Sopranja kosovare jeton dhe punon në Gjermani që disa vite dhe atje ka korrur suksese të mira në rrugëtimin e saj të mrekullueshëm operistik.
Çka thuhet nga Opera Shtetërore e Hamburgut:
Kurora e operës së vitit 2022 i përket sopranos Elbenita Kajtazi dhe ajo e 60 viteve të fundit drejtorit artistik Christoph von Dohnányi
Cilat ishin momentet kryesore të vitit: Në opera, interpretimi Violetta nga sopranoja Elbenita Kajtazi, e cila këndoi dhe interpretoi edhe më bindshëm se paraardhëset e saj po aq të shquara si Pretty Yende dhe Aida Garifullina, ajo gjithashtu la nën hije partnerë të fortë si Stephen Costello si Alfredo dhe Artur Ruciński si Germont të cilët gjithashtu shfaqën një performancë fantastike. Për më tepër, Kajtazi në rolin e Manon e ngriti publikun në këmbë me një fortunë duartrokitjesh me Benjamin Bernheim në rolin e Des Grieux, i cili e plotësoi atë në skenë.
