Një aksion i kryer nga zyrtarët e shërbimit korrektues në Burgun e Dubravës ka përfunduar me gjetjen e një sasie të drogës tek të burgosurit. Zyrtarët korrektues kanë gjetur drogë në tri raste të ndara.
Raporti i policisë:
BLERJE & POSEDIM I NARKOTIKËVE
Qendra Korrektuese Dubravë 12.01.2023-13:15. Gjatë kontrollit në brendi të zonës së burgut nga oficerët korrektues është gjetur një sasi substancë e dyshuar narkotike në peshë prej 245 gram. Rasti në procedurë hetimore.
Qendra Korrektuese Dubravë 11.01.2023-13:50. Gjatë kontrollit nga oficerët korrektues te njëri nga tre të dyshuarit i janë gjetur dhe sekuestruar 26 qese me substancë të dyshuar narkotike të llojit marihuanë në peshë 34 gram. Rasti në procedurë hetimore.
Qendra Korrektuese Dubravë 10.01.2023-20:50. Gjatë kontrollit nga oficerët korrektues në veshjen e të dyshuarit mashkull kosovar i është gjetur një sasi substancë e dyshuar narkotike e llojit marihuanë në peshë 9 gram, rasti në procedurë hetimore.
