Zëvendëskryeministri Besnik Bislimi ka folur pas votimit pro liberalizimit të vizave për Kosovën, në takimin e anëtarëve të Komitetit për Liritë Civile, Drejtësi dhe Çështje të Brendshme të Parlamentit Evropian.
Me anë të një postimi në Facebook, Bislimi u shpreh i gëzuar se në këtë takim Kosova mori vota pozitive për liberalizim të vizave.
Sipas tij, hapi tjetër do të jetë në seancën plenare në Parlamentin Evropian dhe më tej, është votimi në Këshillin e Ministrave të BE-së, para hyrjes në fuqi të vendimit.
Në fund, ai përshëndeti votimin e sotëm duke mirëpritur kështu hapat e ardhshëm në aspektin e lëvizjes së lirë të qytetarëve të Kosovës drejt vendeve të Bashkimit Evropian.
Postimi i plotë:
Edhe një hap tjetër i rëndësishëm u përfundua sot rreth çështjes së liberalizimit të vizave.
Në takimin e anëtarëve të Komitetit për Liritë Civile, Drejtësi dhe Çështje të Brendshme të Parlamentit Evropian, u votua pozitivisht mbi liberalizimin e vizave për Kosovën.
Hapi i rradhës do të jetë votimi në seancën plenare në Parlamentin Evropian dhe mëtej votimi në Këshillin e Ministrave të BE-së, para hyrjes në fuqi.
Përshëndesim votimin pozitiv të sotëm dhe mirëpresim finalizimin e hapave të ardhshëm, deri në përfundimin e procedurave të nevojshme për nisjen e lëvizjes së qytetarëve të Republikës së Kosovës pa viza drejt vendeve të Bashkimit Evropian.
