Ish këshilltari i Hashim Thaçit, Artan Behrami duket se ka lidhur koalicion me Partinë Socialdemokrate (PSD).
Behrami i cili po ashtu në kohët e fundit nëpër debatet televizive paraqitet si “analist”, ka filluar t’i shpërndajë në facebook-un e tij personal postimet politike të PSD-së.
Ai së fundi në profilin e tij, ka shpërndarë videon e titulluar “Çka ka çka s’ka” të Frashër Krasniqit të PSD-së, të cilin ky i fundit e kishte realizuar si kundërpërgjigje ndaj videos së Lëvizjes Vetëvendosje që ishte publikuar të martën.
Edhe pse Behrami dikur e ushtronte detyrën e këshilltarit të ish-presidentit Hashim Thaqi, ai tashmë në debatet televizive e prezanton veten si “analist i pavarur”.
Përveç videos së PSD-së, “analisti i pavarur”, Artan Behrami , në profilin e tij shpesh shpërndanë edhe fjalimet e nënkryetares së PDK-së, Vlora Çitakut e po ashtu dhe fotografi me kryetarin e Mitrovicës, Bedri Hamza, duke e quajtur kështu si “kryetari më i mirë”.
Por, a është etike dhe profesionale e postimeve politike në profilin personal të një “analisti të pavarur”? Përgjigjen e kësaj pyetjeje, me siguri që do ta japin përsëri “analistët e pavarur”.
