Shefi i kabinetit të presidentes Vjosa Osmani, Blerim Vela, i ka nxjerr blof mediat serbe me videon e publikuar kinse nga Zubin Potoku, ku dëgjoheshin të shtëna armësh zjarri.
Në përshkrimin që mediat serbe i kanë bërë videos, thonë se e njëjta është incizuar të dielën rreth orës 19:45, por se në ato pamje shihet të jetë ende ditë.
“Ndërsa media e regjimit të Vuçiqit, Pink TV filloi një ‘raportim’ të jashtëzakonshëm të drejtpërdrejtë, duke transmetuar video të supozuar të përleshjes që ndodhi rreth orës 20:00 – në dhjetor një video e ditës në orën 20:00, kur bie errësira në orën 17:00… Propaganda si është më së keqi”, ka shkruar ai në Tëitter.
Vela po ashtu tha se “mediat pro-regjimit të Serbisë po përpiqen të nxisin konfrontim të armatosur në Kosovë, duke raportuar rrejshëm se përleshjet po ndodhin pranë Zubin Potokut”.
While Vučić’s regime media, Pink TV started an extraordinary live “reporting”, broadcasting alleged video of the skirmish that occurred around 8 pm – in December a daylight video at 8pm, when dark falls at 5 pm… Propaganda at its worst! pic.twitter.com/9nVlwz3Dbf
— Blerim Vela (@Blerim_Vela) December 25, 2022
“Policia e Kosovës nuk është përfshirë në asnjë përleshje. Strukturat ilegale dhe kriminale të Serbisë po gjuajnë me armë”, theksoi ai.
Për këtë rast reagoi edhe ministri Sveçla, i cili tha se serbët kanë shtënë ndaj KFOR-it, ndonëse këta të fundit thanë se kanë dëgjuar të shtëna ne afërsi të një patrulle në rrethinë të Zubin Potokut.
