Rreth gjashtë për qind pritet të bie inflacioni në Kosovë sipas parashikimeve të Guvernatorit të Bankës Qendrore të Kosovës, Fehmi Mehmeti.
Ai thotë se parashikimet e tyre janë që viti 2023 do të jetë më pozitiv
Mehmeti, në një intervistë, ka folur për rritjen e vlerës së remitencave dhe rritjes së ekonomisë, teksa thotë se më shumë se 3 miliardë euro llogaritet të jenë shpenzime të
milionë euro, ndërsa 1 miliard euro janë remitencat.
Mehmeti ka thënë se këtë vit ka pasur rritje të investimeve private e publike, me ç’rast thotë se është ndikuar në shumë faktorë e sidomos ato që i ka ndërmarrë Qeveria e Kosovës.
“Kemi rritje të konsumit privat, konsumit publik, rritje të investimeve private e publike. Të gjitha këto janë ndikuar nga shumë faktorë, sidomos masat që i ka ndërmarrë Qeveria e Kosovës ka ndikuar te dy faktorët, po ashtu kreditimi e diaspora janë komponentë kryesorë që ka ndikuar në rritjen ekonomike në vend. Ky vit, filloi suksesshëm me një rritje që parashikohet të jetë 3 deri në 4 për qind, dhe parashikimet mund të ndërrojnë, duke i pasur parasysh rrethanat që kanë ardhur si rezultat i agresionit rus në Ukrainë e që ka ndikuar ekonominë globale por normal edhe në Kosovë. Si rezultat i kësaj ka ndodhë që të kemi rritje të normës së interesit, të inflacionit që kjo pastaj ka reflektuar edhe në Kosovë, dhe gjithashtu ka ndikuar në ndryshim të politikave monetare”, ka thënë ai.
Duke folur për remitencat, Mehmeti i konsideron si burim shumë të rëndësishëm të ekonomisë vendëse.
“Jemi shumë optimist se gjashtë-mujori i dytë i vitit të ardhshëm do të jetë pozitiv në të gjitha aspektet, do të kemi rënie të inflacionit, parashikimet tona do të jenë që do të bie deri në gjashtë për qind dhe që kjo më pastaj do të ndikojë pozitivisht në rritjen e aftësisë paguese të qytetarëve dhe pastaj do të ndikojë edhe konsumi dhe shumë faktorë tjerë”, është shprehur ai.
Guvernatori i BQK-së ka thënë se 1.48 miliardë euro janë shpenzime jo jorezidente, që sipas Mehmetit konsiderohen se janë të diasporës..
“1. 48 miliardë euro janë shpenzime jo jorezidente që ne i quajmë por janë të diasporës. Një miliard janë remitencat dhe nëse i shohim investimet e huaja direkte kanë shkuar në 567 milionë euro, dhe këto kryesisht realizohen prej diasporës, për arsye se 67 për qind janë të dedikuara për patundshmëri, pjesa tjetër për shërbimet financiare, që në total nëse i mbledhin i bie mbi 3 miliardë euro të hyra që vijnë prej diasporës”, ka shtuar Mehmeti./EO
