Hoxha nga Obliqi, Behar Mjekiqi dyshohet se a ka bërë për spital të dashurën e tij E.J. Rasti dyshohet se ka ndodhur pasditen e së martës (20 dhjetor).
Lidhur me rastin detaje kanë dhënë nga Prokuroria Themelore në Prishtinë.
Zëdhënësja e kësaj prokurorie, Laureta Ulaj ka konfirmuar se viktimës ishte pyetur nëse do të shkojë në strehimore por që e njëjta ka kërkuar të kthehet në shtëpinë e saj.
“Rastit të cilit i referoheni, ju njoftojmë se me të marrë informatën, prokurori kujdestar me kujdes dhe në mënyrën më të mirë të mundshme i ka analizuar dhe trajtuar të gjitha informatat dhe të gjeturat fillestare të këtij rasti. Viktimës i është ofruar gjithë ndihma e nevojshme, po ashtu, e njëjta është pyetur nëse dëshiron të shkojë në Strehimore, mirëpo ka refuzuar dhe është shprehur se dëshiron të shkojë në shtëpinë e saj”, deklaroi ajo.
Ajo shtoi se rasti është iniciuar si “dhunë në familje”.
“Ndërkaq, prokurori kujdestar ka urdhëruar që rasti të hapet (iniciohet) për dhunë në familje dhe të trajtohet tutje konform dispozitave ligjore të Kodit të Procedurës Penale të Republikës së Kosovës”, deklaroi Ulaj.
Edhe nga Policia e Kosovës kanë konfirmuar rastin e dhunës së ushtruar nga hoxha ndaj të dashurës së tij. Përmes raportit 24 orësh është bërë me dije se viktima ka pranuar tretman mjekësor.
Raporti i policisë:
“Obiliq 20.12.2022 – 18:30. Ankuesja femër shqiptare ka raportuar se i dyshuari mashkull kosovar me të cilin ka qenë duke bashkë jetuar, e ka larguar nga shtëpia. I dyshuari, është intervistuar në cilësinë e të dyshuarit. Viktimës iu është ofruar tretman mjekësor. Në lidhje me rastin është konsultuar prokurori i shtetit i cili ka rekomanduar që i dyshuari të lirohet dhe rasti të procedohet në procedurë të rregullt”, thuhet në raportin e PK-së.
Imami Mjekiqi, i intervistuar nga policia të martën, e ka pranuar se e ka larguar viktimën nga shtëpia. Por e ka mohuar të ketë përdorur dhunë ndaj saj.
Mjekiqi, po ashtu ka thënë se ndihet i kërcënuar nga E.J.
Raporti konstaton se E.J. është shqiptare, shtetase e Maqedonisë së Veriut, dhe me të njëjtën imami nga Obiliqi është në lidhje dashurie prej disa vitesh dhe të dy “kanë jetuar me njëri-tjetrin kohë pas kohe”.
Mjekiqi e ka pranuar para hetuesve policorë se është në lidhje me viktimën E.J. qe së paku tre vjet. Viktima, ndërkaq ka thënë se lidhja e tyre është e gjatë së paku gjashtë vjet.
Sipas raportit, E.J. kishte ardhur në shtëpinë e imamit Mjekiqi në Mazgit të Obiliqit të dielën më 18 dhjetor.
“Më tutje i dyshuari pohon se arsyeja pse unë dua ta largoj nga shtëpia është se ndihem i kërcënuar nga E.J. sepse me ka kërcënuar se do ta kalli shtëpinë, do ta mbys djalin”, thuhet në raportin e policisë.
Siç shpjegohet në raport, E.J. ka thënë se imami Mjekiqi, gjatë kohës kur e kishte larguar dhunshëm nga shtëpia, e kishte marrë revolen e tij në dhomën ajo ndodhej, mirëpo nuk “është kanosur nga i dyshuari”.
Policia ka konstatuar se i dyshuari posedon autorizim për mbajtje të armës.
Pas intervistimit në Stacionin e Policisë në Obiliq, me urdhër të prokurorit kujdestar Musa Mehaj, imami Behar Mjekiqi është liruar në procedurë të rregullt.
Ndërkohë dihet se hoxha Mjekiqi është i martuar dhe ka një fëmijë.
