Kryetari i Komisionit për Legjislacion, njëherësh edhe deputeti I LVV-së, Adnan Rrustemi ka thënë se Komisioni i Venecias ka vlerësuar lart punën intensive të grupit punues në kuadër të Komisionit për Legjislacion, në bashkëpunim të ngushtë me Ministrinë e Drejtësisë dhe partnerët lokal e ndërkombëtarë.
“Sot Komisioni i Venecias, ka shqyrtuar dhe ka votuar ndryshimet në Projektligjin për Byronë Shtetërore për Verifikimin dhe Konfiskimin e Pasurisë së Pajustifikuar, të finalizuara sipas rekomandimeve të Komisionit të Venecias në opinionin paraprak të muajit qershor.”, ka shkruar Rrustemi në facebook.
Sipas tij, Lajmi i mirë është se Komisioni i Venecias ka konstatuar adresimin e shqetësimeve dhe rekomandimeve në draftin e ri tashmë.
“ Ajo çka mbetet e rëndësishme është se Konfiskimi Civil sipas Komisionit të Venecias, paraqet një sistem të aplikueshëm në Kosovë.”, është shprehur ai.
Në fund, Rrustemi është zotuar se zot si Kryetar i Komisionit, me prioritet do t’i trajtojmë dhe finalizojmë çështjet e fundit, si rekomandime të natyrës teknike.
Kosova shumë shpejtë do të themelojë Byronë dhe rezultatet nuk do mungojnë.
Duke i falënderuar paraprakisht të gjithë ata që kontribuuan në grupin punues, Rrustemi është zotuar se si Kryetar i Komisionit, me prioritet do t’i trajtojnë dhe finalizojnë çështjet e fundit, si rekomandime të natyrës teknike.
“Kosova shumë shpejtë do të themelojë Byronë dhe rezultatet nuk do mungojnë.”, ka shkruar Rrustemi.
