Deputeti i Lëvizjes Vetëvendosje, Enver Dugolli, ka reaguar pasi KFOR-i ka filluar të shqyrtojë kërkesën e Serbisë për kthimin e 1000 trupave të tyre ushtarake në Kosovë.
Duke thënë se këtë kërkesë KFOR-i nuk ka pas nevojë as me pranu e lere më ta shqyrtojë kërkesën e Serbisë për kthimin e 1000 trupave, deputeti Dugolli ka theksuar se çdo prezencë ushtarake e huaja pa dakordim dhe marrëveshje, konsiderohet agresore-armike dhe do merr përgjigjen adekuate shtetërore dhe institucionale.
“E para:
Kërkesën e Serbisë për kthimin e 1000 trupave të tyre ushtarake në Kosovë nuk ka pas nevojë as me pranu e lere më me shqyrtu. Kosova është shtet i pavarur dhe sovran, i njohur ndërkombëtarisht dhe me një pavarësi të vulosur nga Gjykata Ndërkombëtare e Drejtësisë. Kosova nuk është më sikur dikur, pra sot është dhjetori viti 2022 e jo qershori i vitit 1999.
Për rrjedhojë, çdo prezencë ushtarake e huaja pa dakordim dhe marrëveshje, konsiderohet agresore-armike dhe do merr përgjigjen adekuate shtetërore dhe institucionale me gjithë forcën e disponueshme. “, ka shkruar Dugolli në Facebook.
Sipas tij, KFOR-i nuk do duhej të toleronte e aq më pak të bënë sehir karshi bllokimit të rrugëve nga bandat kriminale dhe të armatosura
“E dyta:
KFOR-i nuk do duhej të toleronte e aq më pak të bënë sehir karshi bllokimit të rrugëve nga bandat kriminale dhe të armatosura, të cilët po cenojnë lirinë themelore të lëvizjes së qytetarëve dhe mallrave në veri të vendit. “, u shpreh ai.
Gjithashtu, Dugolli ka shtuar se KFOR-i duhet të deklarohet nëse nuk i heq barrikadat, ngase sipas tij, shteti i Kosovës nuk mundet pakufi të mbet peng i mosveprimit
E treta:
Nëse KFOR-i nuk është i gatshëm të heq këto barrikada dhe vazhdon kështu me këtë mosveprim, duhet të deklarohet, sepse shteti i Kosovës nuk mundet në pakufi të mbet peng i mosveprimit për heqjen e barrikadave dhe sigurimin e lëvizjes së lirë për qytetarë
