Mediat e dirigjuara nga Beogradi që operojnë ne veri të vendit, përkatësisht portali serb ‘Kosovo Onlie’, gjatë ditës së sotme publikuan në artikull të rrem ku thuhej se “Arrestohet Edhe një tjetër serb ish polic në Veri të Kosovës”
Ky artikull që u publikua pa u verifikuar edhe nga disa portale kosovare, është demantuar ne vet Policia e Kosovës.
Përmes një njoftimi zyrtar, Policia e Kosovës bën të ditur se:
“Spekulimet e radhës nga mediumet serbe janë se kinse Policia e Kosovës edhe sot ka arrestuar një person (ish policin Z.M,) në Mitrovicë Veri, si dhe kinse Policia e Kosovës, në Veri të vendit ka penguar punonjësit e elektrodistribucionit për të kryer riparime të një defekti në rrjetin elektrik.”, thuhet në njoftim përcjell KosovaNews.
Policia e Kosovës, ka përgënjeshtruar spekulimet e medieve serbe duke thënë se nuk ka informacione zyrtare për një arrestim të personit në fjalë/
“Edhe një herë, demantojmë këto spekulime, duke sqaruar se nuk ka informacione zyrtare nga Policia e Kosovës për një arrestim të personit në fjalë, si dhe Policia e Kosovës nuk ka penguar dhe nuk pengon në asnjë rrethanë, asnjë institucion apo punonjës të cilët kryejnë detyrat zyrtare, përkundrazi në rastin konkret janë ndërmarr veprime në bashkëveprim me kompetentët për adresimin dhe sanimin e këtij problemi në rrjetin elektrik.”, thuhet në njoftim.
Po ashtu Policia e Kosovës, ka inkurajuar qytetarët dhe mediat që të bashkëpunojnë me Policinë e Kosovës në adresimin e kërkesave dhe konfirmimin e informatave zyrtare dhe mos të bien pre e dezinformatave të tilla./KosovaNews/
Njoftimi i plotë i policisë:
