Policia e Kosovës njofton se e ka arrestuar një person të moshës së mitur, nën dyshimin për kryerjen e një tentim vrasje që ka ndodhur mbrëmë në Prishtinë.
Mbrëmë rreth orës 18:30, Policia njofton se ka marrë informatën se një person i lënduar ndodhet në rrugën “Bill Klinton” në Prishtinë, i cili kishte pësuar lëndime trupore që dyshohet të jenë të shkaktuara nga një mjet i mprehtë thikë.
Personi i lënduar G.P (i mitur), thuhet se është dërguar për tretman mjekësor, ndërkohë që njësitet policore të stacioni Jugu në Prishtinë të mbështetur nga njësiti i hetimeve të përgjithshme, menjëherë kanë filluar ndërmarrjen e verimeve operativo-hetimore dhe kanë arrit të arrestojnë një person të dyshuar.
“Personi i arrestuar është G.O (i mitur) dhe pas intervistimit, me urdhër të prokurorit të shtetit është dërguar në qendrën e mbajtjes, ndaj tij është iniciuar rasti vrasje në tentativë”, thuhet në njoftimin e Policisë së Kosovës./KosovaNews
