Një tjetër shpërthim i fortë ka ndodhur afër zyrës së Komisionit Komunal Zgjedhor në Mitrovicën e Veriut në orët e para të mbrëmjes të së martës, në vendin e njohur si Tre Rrokaqiejt.
Shpërthimi ka ndodhur rreth orës 17:00, ndërsa nuk dihet nëse ka të lënduar.
Pjesëtarë të forcave policore në numër të shtuar ndodhen mbi urën kryesore të Ibrit.
Qytetarët, kryesisht shqiptarë, të cilët kanë nevojë të shkojnë në shtëpitë e tyre nga jugu në veri, nuk po lejohen nga policia të qarkullojnë përmes urës kryesore.
Shpërthime të njëpasnjëshme janë dëgjuar në veri të Kosovës gjatë ditës së sotme. Policia e Kosovës ka konfirmuar se ka pasur shpërthime e shkrepje armësh, por nuk është raportuar për të lënduar. Janë demoluar orenditë e zyrës së KKZ-së në Mitrovicën e Veriut.
Zyrtarët zgjedhorë ia mësyn zyrave të KKZ-ve sot për t’u përgatitur për zgjedhjet e jashtëzakonshme në komunat veriore. Por ata u kthyen mbrapsht pas shpërthimeve të shumta.
Lexo po ashtu:
