Ministri i Punëve të Brendshme, Xhelal Sveçla së bashku zëvendës kryeministrin Besnik Bislimi dhr ministrat Hekuran Murati e Faton Peci, Hajrulla Çeku e Armend Mehaj, gjatë ditës së sotme kanë vizituar familjen e komandantit legjendar Adem Jashari.
Duke e kujtuar historinë e lavdishme të popullit shqiptar, ministri i brendshëm Xhelal Sveçla, ka uruar 28 Nëntorin, transmeton KosovaNews.
“Hstoria e popullit tonë është ndërtuar ndër breza nga sakrifica e djemve e vajzave, burrave e grave, për liri e çlirim. Trimëria e pashoq e Skëndërbeut, vendosmëria e Ismail Qemalit, guximi e sakrifica e Adem Jasharit e Xhevë Lladrovcit dhe e mijëra luftëtarëve e luftëtareve të Ushtrisë Çlirimtare të Kosovës, janë rruga më e vështirë por me aspiratat më të qarta që kemi para nesh e që duhet të ndjekim. “, ka shkruar Sveçla në facebook.
Tutje ai ka kujtuar dëshmorët e kombit, duke thënë se duhet të punohet pa u ndalur për forcimin e kombit tonë dhe jetësimin e idealeve të brezave të reja
“Me nderin më të madh sot kujtojmë të rënët që dhanë më sublimen jetën e tyre për liri e pavarësi, ndërsa kur kujtojmë ata, ndjejmë peshën e lartë të përgjegjësisë së shtetndërtimit sipas idealeve të tyre.
Të dashur bashkëkombas kudo që jetoni e veproni,
Angazhimi dhe puna juaj mbanë gjallë kombin tonë andaj kjo festë me gjithë krenarinë që bartë, është e juaja.
Të punojmë bashkë e pa u ndalur, për forcimin e kombit tonë, për jetësimin e idealeve të brezave para nesh e për brezat e rinj që do të gëzojnë edhe më shumë lirinë e pavarësinë.”, ka shkruar Sveçla./KN/
