Kryeministri Kurti homazhe tek varri i Hasan Prishtinës në Kukës , vitin tjetër manifestim jubilar të dy qeverive në 150 vjetorin e lindjes  

Kryeministri i Kosovës Albin Kurti pas pjesëmarrjes në seancën e përbashkët parlamentare në Tiranë bëri homazhe në varrin e Hasan Prishtinës në Kukës. Kurti u shpreh se në shtator të vitit të ardhshëm do të zhvillojmë një mori aktivitetesh në nderë të 150 vjetorit të lindjes së një prej figurave më madhore të kombit shqiptar. “U dakorduam me kryebashkiakun  që bashkërisht ta shënojmë 150 vjetorin e lindjes së veprimtarit  dhe patriotit të paepur shqiptar Hasan Prishtina, pra me 27 shtator 2023 me rastin e 250 vjetorit të lindjes së Hasan Prishtinës ne do ta kemi një manifestim të përbashkët këtu.  Por meqë ka shumë objekte këtu të cilët mbajnë emrin e Hasan Prishtinës bashkarisht me kryeministrin Rama do të angazhohemi si dy qeveri që të kemi një investim të përbashkët në nder  të këtij gjigandi të historisë shqiptar”  tha ndër të tjera kryeministri Kurti pas takimit me kryebashkiakun e Kukësit.