Ministrja e Arsimit, Shkencës, Teknologjisë dhe Inovacionit, Arbërie Nagavci, ka njoftuar se edhe këtë vit ministria do të vazhdojë me mbështetje financiare të vajzave dhe grave në fushat e Shkencës, Teknologjisë, Inxhinierisë dhe Matematikës (apo STEM) të arsimit të lartë në Kosovë.
Nagavci thotë se me dyfishim të buxhetit nga 1 milion në 2 milionë, e me rritje të numrit të përfitueseve nga 1 mijë studente vajza/gra në 2 mijë, po rritet përfshirja e studentëve tanë në fushat STEM. Gjithashtu, kësaj radhe po përkrahen edhe djemtë/burrat në këto fusha prioritare.
Procesi i aplikimit do të realizohet online përmes platformës E-Kosova, në linkun: https://ekosova.rks-gov.net/435.
Të gjitha detajet e hollësishme të konkursit i gjeni në këtë thirrje: https://masht.rks-gov.net/thirrje-per-mbeshtetje…/
