Vlora Çitaku, nënkryetarja e Partisë Demokratike të Kosovës, ka reaguar pas takimit të mbajtur në Bruksel në mes të Kryeministrit të Kosovës, Albin Kurtit dhe Presidentit të Serbisë, Aleksandar Vuçiq.
Përmes një postimit në Twitter Çitaku, ka thënë se sovraniteti është i rëndësishëm, por edhe aleancat.
“Si kaluam nga diskutimi për normalizimin dhe njohjen reciproke, në grindjet e vogla për targat?! Sovraniteti është i rëndësishëm, por edhe aleancat”, ka shkruar ajo.
Kryediplomati evropian, Joseph Borrell, në fund të konferencës së tij, pas takimit me Kurtin dhe Vuçiq, ka thënë se do t’i njoftojë të gjitha shtetet anëtare për sjelljen e dy palëve.
