Qeveria e Republikës së Kosovës njofton se nga dita e nesërme fillon takimet me qytetarë të Komunave të Kosovës për ta prezantuar Buxhetin për vitin 2023, njëherit buxheti më i madh në histori të vendit.
Në njoftimin e saj Qeveria bëri të ditur se nesër prezantimi do të fillojë në Prizren, në orën 15:00, në sallën Dokukino.
Projektligji për ndarjet buxhetore për vitin 2023 është votuar në Kuvendin e Kosovës më 17 nëntor dhe mori 64 vota për, një kundër dhe asnjë abstenim, raporton KosovaNews.
Pas votimit në lexim të parë, projektbuxheti për vitin 2023 do të kalojë në Komision, ndërsa me amendamentet eventuale do të hidhet në votim edhe në lexim të dytë.
Siç kishte dhënë detaje kryeministri Kurti, buxheti për vitin 2023 do të jetë 3 miliardë e 212 milionë euro./KosovaNews
