Kryeministri Albin Kurti, ka prezantuar në Kuvendin e Kosovës, Projektligjin e vitit 2023, duke thënë se ai sjellë zhvillim për Kosovën.
Kurti para deputetëve në seancën e sotme ka folur për të hyrat dhe rritjen ekonomike në Kosovë.
“Vitin e kaluar ishte vit më i suksesshëm në historinë e shtetit tonë, sa i përket të hyrave dhe rritjes ekonomike. Ky vit përveç krizave dhe sfidave globale, na mundëson të kemi një konsolidim të financave publike. Sipas FMN-së, Kosova është në vendin e parë që ka arritur një sukses të tillë dhe që është referencë për shtetet të tjera për financave publike”, tha ai.
Tutje, ai foli edhe për buxhetin e vitit 2023, për të cilin ritheksoi se do të jetë 3 miliardë e 212 milionë euro.
“Buxheti për vitin 2023 do të jetë 3 miliardë e 212 milionë euro, kurse të hyrat buxhetore do të arrijnë vlerën prej 2 miliardë e 884 milionë euroshe, me ç’rast kemi ndarë 745 milionë euro në kategorinë paga dhe meditje, 493 milionë euro në kategorinë mallra dhe shërbime, 1 miliardë e 98 milionë euro në subvencione dhe transfere dhe 811 milionë euro në shpenzime kapitale”, u shpreh Kurti.
Ai ka përmendur edhe fushat që do të ketë investime nga buxheti i vitit 2023.
Sipas tij edhe buxheti për Ushtrinë e Kosovës, do të jetë 123 milionë euro.
Po ashtu, kryeministri Kurti ka folur edhe për mbështetjet të skemave tjera sociale, duke përmendur edhe shtesat për fëmijë etj.
