Zëvendësministri i Drejtësisë, Blerim Sallahu, nëpërmjet një reagimi në profilin e tij në Facebook, ka kritikuar qendrimin e opozitës, e cila sipas tij po e kondirmon se është ende për cenim të shtetësisë dhe nuk duan ligjshmëri.
Sipas Sallahut, me këto qëndrime, opozita po bën gabim të dyfishtë: po dëshmon se s’janë penduar për dëmet e shumta që kanë shkaktuar duke i bërë koncesione Serbisë dhe nuk po e kanë fare problem që kaq hapur ta vazhdojnë linjën e gjatë të dëmeve ndaj shtetit tonë.
“Në fillim të këtij viti, një pjesë e opozitës ishte rreshtuar në mbrojtje të integritetit territorial e sovranitetit shtetëror kur të paktën deklarativisht shprehnin mbështetjen për moslejim të mbajtjes së zgjedhjeve serbe. Kështu, konfirmonin gabimin e vazhdueshëm historik që kanë bërë tërë kohën sa kanë qenë në pushtet dhe kur kanë lejuar mbajtjen e zgjedhjeve serbe, me të cilat e kanë cënuar shtetësinë tonë”, shprehet Sallahu.
Ai ka thënë se sadopak, një pranim i tillë i fajësisë mbase linte hapësirë për pendesë të tyre, por tash po shfaqet se paska qenë hipokrizi e kalkukuar vetëm elektoralisht. Qëndrimet opozitare për vendimin e targave po konfirmojnë se këta janë ende për cënim të shtetësisë sonë dhe nuk duan ligjshmëri. Pra, nuk mund të largohen nga korniza e gabimeve historike, që kësaj radhe një kuti e tillë është hiç më pak se prehri i Vuçiqit.
Sipas Sallahut, me këto qëndrime, opozita po bën gabim të dyfishtë: po dëshmon se s’janë penduar për dëmet e shumta që kanë shkaktuar duke i bërë koncesione Serbisë dhe nuk po e kanë fare problem që kaq hapur ta vazhdojnë linjën e gjatë të dëmeve ndaj shtetit tonë, prej cilitdo pozicion ku gjenden.
“Pra, as deklarativisht nuk po mund të distancohen nga qëndrimet e politikës serbe e të jenë në përkrahje të kushtetutshmërisë që obligon për sovranitet dhe mbrojtje të integritetit territorial.Sa kamatat e larta i paska pasur Vuçiqi!”, ka shkruar Sallahu.
