Ministri i Punëve të Brendshme, Xhelal Sveçla ka shkuar gjatë ditës së diel në pjesën veriore, me ç’rast e ka vizituar pikën kufitare në Bërnjak, në stacionin policor të kufirit në Bërnjak dhe në stacionin policor të policisë kufitare në Jasenovik, raporton KosovasNews.
“Gjithë pjesëtarët e Policisë së Kosovës me përkushtim janë duke përmbushur detyrat e tyre zyrtare duke siguruar ambient të qetë dhe shërbime për të gjithë qytetarët, si në pikat kufitare ashtu edhe brenda gjithë territorit të Republikës së Kosovës”, tha Sveçla.
Në këtë rast ministri theksoi se Policia e Kosovës është e të gjithë qytetarëve të Republikës së Kosovës dhe si e tillë, ajo do të vazhdojë të kryejë misionin e saj me gatishmëri të plotë në shërbim të të gjithë qytetarëve tanë pa asnjë dallim.
