Ka nisur takimi mes kryetarit të Listës Serbe, Goran Rakiq dhe katër kryetarëve të komunave me shumicë serbe në veri të Kosovës, për të diskutuar rreth largimit të tyre nga institucionet e Kosovës
Përfaqësuesit e Listës Serbe kanë filluar takimin me përfaqësuesit serbë të institucioneve të Kosovës, ku do të shqyrtojnë mundësinë për bojkotim dhe largim nga institucionet e Republikës së Kosovës.
Kryetari i Listës Serbe, Goran Rakiq, ka deklaruar se në këtë takim do të diskutohet për masat që do të ndërmerren, dhe se pas takimit do të ketë konferencë për media.
“Jemi mbledhur në këtë takim për të diskutuar në lidhje me masat që do t’i ndërmarrim. Pas takimit do te kemi një konferencë për media. Takimi mund të zgjas maksimum 1 orë e gjysmë”, ka deklaruar Rakiq, raporton RTV Dukagjini.
Ndërsa, ata kanë paralajmëruar protesta nga e diela e gjashtë nëntorit.
Po ashtu, paralelisht me këto zhvillime në Kosovë, presidenti i Serbisë, Aleksandër Vuçiq, me ftesë të kryeministres serbe, do të zhvillojnë një takim, në të cilin, do të diskutohet një raport për bisedimet me përfaqësuesit e serbëve në Kosovë.
Pas kësaj, Vuçiq do të takohet edhe me ambasadorin kinez, Chen Bo dhe me ambasadorin rus në Serbi, Aleksandar Bocan-Harchenko.
Si rrjedhojë e këtyre takimeve, Vuçiq ka anuluar udhëtimin e tij drejt Egjipitit.
Lexo po ashtu:
