Ish- ambasadori i Kosovës në Gjermani, Beqë Cufaj ka dhënë një parashikim të madh për Kosovën.
Cufaj ka thënë se javën që vjen, me 9 nëntor do të jepet drita e gjelbër për liberalizimin e vizave për Kosovën.
Sipas Cufajt, vitin tjetër qytetarët e Kosovës do të lëvizin pa viza.
“Meqenëse çështja e liberalizimit të vizave për qytetarët e Republikës së Kosovës i ngjet një sage a një seriali – as turke e as latinoamerikane por evropiane, atëherë ia lejojmë vetes të bëjmë edhe prognoza se çfarë do të ngjajë në seritë e radhës.
Javën që vjen, me 9 nëntor, mbahet mbledhja e ekspertëve KE për Schengen të cilët do të diskutojnë për protokollet e miratuara dje- e ku mes tjerash flitej edhe për “kërkesat” franceze për Kosovën- marrëveshje dypalëshe me shtetet anëtare për riatdhesimin dhe futjen në fuqi të ETIAS. Njëkohësisht në këtë takim do të jepet drita e gjelbër. Pra që Kosova do të ketë të drejtë për Liberalizim- pasi t’i ketë plotësuar kushtet franceze. Që i bie: vitin që vjen qytetarët tanë do të lëvizin në Evropë pa patur nevojë për viza”, shkruan Cufaj.
Por, sipas tij për këtë- futja në fuqi e këtij vendimi do të ngjajë atëherë kur ETIAS të lëshohet në përdorim.
Dhe, sipas Cufajt, ETIAS do të lëshohet në përdorim atëherë kur Kosova dhe Serbia të kenë nënshkruar marrëveshjen.
