Ferizaj- Dëshmitari Bekim Troni pas dhënies së deklaratës së tij të mërkurën në Gjykatën Themelore të Ferizajt, është arrestuar për deklarim të rremë.
Këtë e konfirmuar prokurori i kësaj çështje Rasim Maloku.
Prokurori Maloku tha se dëshmitari Bekim Troni haptazi u shmang nga deklarimi i vërtetë për çka edhe prokuroria ka marrë veprimet ligjore siç parashihet me Kodin Penal të Republikës së Kosovës.
I njëjti, siç raporton Betimi për Drejtësi, shtoi se lënda është dërguar në Departamentin e Përgjithshëm Divizioni Penal në këtë gjykatë.
Ndryshe, dëshmitari Bekim Troni, gjatë dhënies së deklaratës së tij, në disa nga pyetjet e prokurorit Rasim Maloku është përgjigjur se nuk ka njohuri dhe se nuk i kujtohej rrethana për çka i parashtrohej pyetja.
I njëjti poashtu është ballafaquar disa herë nga ana e prokurorit në lidhje me aktvendimet, aktpërcejllës, të cilat i njëjti i kishte nënshkruar vetë dhe disa rrethana nuk i kujtoheshin, e që pas ballafaqimit i njëjti ka pranuar se është nënshkrimi i tij.
