Policia e Kosovës ka njoftuar se të mërkurën në Çagllavicë ka ndodhur një përleshje mes pesë personave.
Sipas njoftimit të lëshuar në raportin 24 orësh të Policisë, njëri nga ta është therur me thikë.
“Raportohet se pas një mosmarrëveshje pesë të dyshuar meshkuj kosovar janë përfshirë në një rrahje. Si pasoj e përleshjes njëri nga të dyshuarit është therur me thikë, ndërsa dy të dyshuar tjerë kanë pësuar lentime. Të dyshuarve të lënduar iu është ofruar tretmani mjekësor”, thuhet në raportin e Policisë.
Në lidhje me rastin është konsultuar prokurori i shtetit i cili, sipas raportit të Policisë, ka rekomanduar që të dyshuarit të lirohen dhe rasti të procedohet në procedurë të rregullt.
