Pas takimit me të parën e shtetit, Vjosa Osmani, presidentja e Komisionit Evropian, Ursula von der Leyen, është pritur edhe nga kryeministri Albin Kurti.
Përmes një postimi në rrjetin social Tëitter, presidentja e KE-së, teksa ka publikuar një video të pritjes, ka thënë se është e vetëdijshme sa i rëndësishëm është liberalizimi i vizave për Kosovën.
“E di se sa i rëndësishëm është liberalizimi i vizave për Kosovën. Komisioni Evropian beson se i keni përmbushur të gjitha kriteret. Diskutimet kanë rifilluar. Ne do t’iu mbështesim me çdo mundësi”, ka shkruar Von der Leyen.
Presidentja e Komisionit Evropian (KE), Ursula von der Leyen, është pritur në takim nga presidentja e Kosovës, Vjosa Osmani, me ç’rast në një konferencë për media e ka konfirmuar mbështetjen e plotë nga KE për institucionet që të vendosin rend e ligj në gjithë vendin, duke përfshirë edhe vendosjen e targave RKS.
I know how important visa liberalisation is for Kosovo, @AlbinKurti
— Ursula von der Leyen (@vonderleyen) October 27, 2022
The @EU_Commission believes you have fulfilled all the benchmarks.
Discussions have re-started.
We will support in any way we can. pic.twitter.com/wh4H9QW0a3
