Ilir Kërçeli, shefi i stafit të zyrës së kryeparlamentarit Glauk Konjufca, ka reaguar ndaj Listës Serbe të cilët nesër do të qëndrojnë për vizitë në Beograd, ku do të takohen me presidentin serb, Aleksandër Vuçiq.
Përmes një statusi në Facebook, Kërçeli ka thënë se janë bërë katër muaj që kur partia e drejtuar nga Goran Rakiq, Lista Serbe, ka bojkotuar Kuvendin e Kosovës.
“Nesër më datë 27.11.2022, Kuvendi i Republikës së Kosovës mban seancën plenare të radhës. Siç e dini, tash e katër muaj rradhazi Lista Serbe nuk merr pjesë në punimet e Kuvendit të Kosovës dhe i bojkoton në tërësi angazhimet e saj. E pikërisht nesër, Lista Serbe nuk vjen në punimet e Kuvendit të Republikës së Kosovës, por shkon në punimet e Këshillit Kombëtar të Sigurisë së Serbisë, të kryesuar nga Vuçiq”, ka shkruar Kërçeli.
Reagimi i plotë:
Nesër më datë 27.11.2022, Kuvendi i Republikës së Kosovës mban seancën plenare të radhës. Siç e dini, tash e katër muaj rradhazi Lista Serbe nuk merr pjesë në punimet e Kuvendit të Kosovës dhe i bojkoton në tërësi angazhimet e saj.
E pikërisht nesër, Lista Serbe nuk vjen në punimet e Kuvendit të Republikës së Kosovës, por shkon në punimet e Këshillit Kombëtar të Sigurisë së Serbisë, të kryesuar nga Vuçiq.
Me këtë rast është mirë të i rikujtojmë dhe rikonfirmojmë publikut të gjerë vendor e ndërkombëtar se Lista Serbe vazhdon të mbaj konsultimet dhe punimet e saj vetëm me dhe në Beograd!
