Policia e Kosovës njofton se pas një punime hetimore ka arritur ta indentifikoj dhe mandje ta arrestoj personin i cili dyshohet se ka vjedhur arkat e disa xhamive.
Rasti hetues për vjedhjet ka nisur pasi me datën 14.10.2022, stacioni policor në Ferizaj kishte pranuar një informacion për një rast të vjedhjes së rëndë që ka ndodhur në Xhaminë në rrugën ‘’Ramadan Ferizi ‘’ në Ferizaj.
Në lidhje me këtë, policia e rendit e më pas policët hetues të stacionit në Ferizaj i kanë marrë veprimet e nevojshme dhe nën autorizim të Prokurorit nga Prokuroria Themelore në Ferizaj i kanë nisur hetimet në zbulim të kryesve të kësaj vepre penale.
“Pas një pune intensive hetimore, grumbullimit të informacioneve në terren, shikimit të kamerave të sigurisë, hetuesit policor kanë arritur të identifikojnë personin e dyshuar dhe vendin e ndodhjes së tij, të cilin sot, datë 25.10.2022 rreth orës 14:00, në qytetin e Shtimes e kanë arrestuar të dyshuarin me inicilalet LL.S ( M/K) i moshës 32 vjeçar, i cili dyshohet se ka kryer vjedhje të rëndë, duke vjedhur para nga arka e bamirësisë në ‘’Xhaminë e Vogël’’ në Ferizaj”, thuhet nga policia.
I dyshuari, thuhet se është shoqëruar në stacionin e policisë në Ferizaj dhe gjatë intervistës nga policët hetues, në prani edhe të avokatit mbrojtës, ka deklaruar se ka kryer vjedhje të rënda nga arkat e bamirësisë edhe në Xhamitë e fshatrave Kosinë, Slivovë dhe në Xhaminë në rrugën ‘’Hamëz Jashari’’ në Ferizaj, të cilat ishin në proces të hetimeve.
Bëhet e ditur se me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë, për procedura të mëtejme hetimore./KosovaNews/
