Ish- kryeministri i Greqisë, George Papandreo ka thënë se tha se është krijuar një momentum i ri pas luftës në Ukrainë.
Ai, në Samitin e Ballkanit Perëndimor që po mbahet në Prishtinë, ka thënë se shtetet e Ballkanit Perëndimor e kanë synim që të jenë të përfshira në rrugën e Bashkimit Evropian.
Papandreu shtoi se askush nuk dëshiron që të ketë probleme në këtë zonë.
“Evropa duhet të luajë një rol të rëndësishëm dhe ne duhet të shohim se si të punojmë”, tha ai.
Sipas tij, duhet të ketë vullnet politik për rajonin e Ballkanit Perëndimor.
“Ëndrra perëndimore që kemi në Ballkanin Perëndimor na përfshin të gjithëve, kjo nuk është thjeshtë një ëndërr e rritjes së prosperitetit, por është ajo e një bashkëjetese në paqe, ku dëshirojmë të shohim diçka të mirë dhe jo të rrezikshme”, ka thënë Papandreou.
Ai e ka komentuar edhe situatën në të cilën është Evropa pas zhvillimit të luftës në Ukrainë.
“Natyrisht se tani Evropa e ka parë se procesi i qasjes është më se i rëndësishëm, pas fillimit të luftës në Ukrainë, definitivisht duhet të krijojmë një momentum nga kjo. Sa i përket Evropës, në fakt është një pyetje e ekzistimit në Evropë, se në çfarë drejtimi dëshiron të shkojë Evropa. Kemi rivalitet gjeopolitik edhe Evropa duhet të luajë një rol të rëndësishëm dhe kjo do të thotë që ne duhet të shohim si të punojmë më shumë bashkërisht, kapaciteti është më i madh, jemi më të fuqishëm kur jemi bashkë”, ka pohuar Papandreou.
Mes tjerash, ai ka bërë thirrje që shtetet e Ballkanit Perëndimor të bashkëpunojnë më shumë mes vete për integrime më të shpejta drejtë BE-së, si dhe zhvillimeve të tyre.
Ish- shefi i ekzekutivit grek tha se e kupton se projekti i Ballkanit të Hapur është i vështirë për Kosovën, ndërsa e ka përgëzuar Kosovën për të arriturat e deritashme.
