Ka filluar tashmë parada e Krenarisë në Prishtinë.
Me qëllim të pozitiv kundër diskriminimit dhe dhunës ndaj personave lezbike, homoseksualë, biseksualë dhe transeksualë, shumë politikanë të ngjyrave të ndryshme, sot janë bashkuar në sheshin e kryeqytetit, raporton KosovaNews.
Përveç deputetëve dhe zyrtarëve të Lëvizjes Vetëvendosje, kësaj parade iu bashkuan ministri i Kulturës, Rinisë dhe Sportit, Hajrulla Çeku, ministrja e Ekonomisë Artane Rizvanolli, ministrja e Arsimit, Shkencës, Teknologjisë dhe Inovacionit, Arbërie Nagavci, shefja e grupit parlamentar të Vetëvendosjes, Mimoza Kusari-Lila.
Paradës iu bashkuan edhe kryetari i Prishtinës, Përparim Rama (LDK), nënkryetarja e PDK-së Vlora Çitaku, DHE he ish presidentja e Kosovës, Atifete Jahjaga.
Ndërkaq, slogani i komunitetit për këtë vit është “Edhe n’shtet, edhe n’familje,”
Për mbarëvajtjen e paradës, është përkujdesur Policia e Kosovës. Me dhjetëra pjesëtarë të policisë, kanë rrethuar hapësirën ku po zhvillohej ky aktivitet. Aty u panë edhe policë civil dhe ata te njësisë speciale.
Kjo besohet që ndërlidhet me Projekt-Kodin Civil që bëri bujë në muajin maj pasi hapte rrugë për bashkëjetesat (bashkësitë e regjistruara civile) mes personave të seksit të njëjtë. Kjo ishte kundërshtuar nga shumë deputetë./KosovaNews/
