Ashtu sikur gjatë ditëve të fundit, edhe java e fundit e tetorit pritet të ketë mot të ngrohtë, stabil e të thatë.
Siç ka njoftuar “Prishtina Ëeather”, në pesë ditët e ardhshme, moti do të jetë me temperatura edhe më të larta mbi vlera mesatare.
Temperaturat minimale do të luhaten ndërmjet 6-10 gradë Celsius, ndërsa ato maksimale nga 24 deri 26 gradë Celsius.
Këto temperatura do të zbresin gradualisht në 20 gradë Celsius, megjithatë mbeten më të larta nga mesataret.
Njoftimi i plotë:
Ditët e fundit të tetorit, me mot të ngrohtë, stabil e të thatë.
23.10.2022 – Dominimi i kushteve anticiklonike mbi Mesdhe, e që po shtrihen edhe përgjatë rajonit tonë, po favorizojnë mot stabil edhe përgjatë ditëve të fundit të tetorit. Mbi vend parashihet të mbajë mot i thatë, me më shumë intervale me diell, e sidomos ditëve të para të javës me temperatura edhe më të larta mbi vlera mesatare.
Cilësia e ajrit në këto kushte të qeta atmosferike, do të mbetet me vlera më të rritura të ndotësve ajror, e sidomos në dy ditët e para të javës, prania edhe e pluhurit saharian mbi rajon, mban edhe më të larta koncentimet e grimcave të materies PM10. Indeksi do kaloj edhe në vlera të dobëta apo të pashëndeshme në një pjesë të stacioneve. Përmirësim mund të pritet ditën e mërkurë, ku indeksi zbret edhe në vlera të pranueshme.
24.10 – Ngrohtë, kryesisht me diell.
25.10 – Kryesisht me diell dhe ngrohtë.
26.10 – Mbetete ngrohtë dhe thatë. Më shumë vransira paradite, e intervale me diell pasdite.
27.10 – Kryesisht me diell. Në mëngjes mundësi për mjegull në ultësira.
28.10 – Kryesisht me diell.
Temperaturat minimale luhaten ndërmjet 6-10C, e ato maksimale ditëve të para kapin vlera edhe prej 24C e 26C, e gradualisht zbresin në 20C, por që mbeten më të larta nga mesataret.
Do të dominojnë më shumë qetësitë. Ditëve të para frynë edhe erëra të lehta nga jugperëndimi 2-5m/s, e të mërkurën nga veriu.
Shtypja atmosferike mbetet e lartë mbi vlera normale.
