Nënkryetarja e Kuvendit, Saranda Bogujevci, ka shprehur mbështetjen e Kosovës për Ukrainën e cila ndodhet nën pushtimin e Rusisë.
Në fjalimin historik drejtuar Asamblesë së Këshillit të Evropës, ajo ka thënë se Ukraina dhe ukrainasit janë përherë në mendjet dhe zemrat e kosovarëve.
“Vetë jam e mbijetuar e një masakre gjatë luftës së fundit në Kosovës. Të gjithë ne jemi me ju në këtë luftë dhe shpresojmë që të marrë fund sa më parë dhe drejtësia të triumfojë”, është shprehur ajo.
, njofton Klan Kosova.
Me “Slava Ukraini”, e ka mbyllur fjalimin e saj Bogujevci.
Nënkryetarja e Kuvendit të Kosovës, Saranda Bogujevci, i është drejtuar Asmablesë së Këshillit të Evropës.
Ky është fjalimi i parë historik, ku Kosova përveç pjesëmarrjes ka pasur edhe të drejtën për fjalë.
Ajo ka thënë se Kosova është demokracia më e gjallë në Ballkanin Perëndimor.
“Kemi edhe vështirësi, përfshirë me fqinjët tanë dhe një të kaluar që nuk ka përfunduar shumë moti. Si Kosovë, jemi Evropë dhe nuk kemi të ardhme tjetër përveç të jemi pjesë e familjes evropiane”, ka thënë Bogujevci ndër të tjera.
Më tej ajo ka përmendur se është e mbijetuar e një masakre gjatë luftës në Kosovë, duke shprehur kështu mbështetjen për Ukrainën.
