Një person ka raportuar në Polici se të martën rreth orës 20:00 është shtënë me armë në drejtim të tij, derisa ai ishte në veturë në Fushë Kosovë.
Sipas një njoftimi të Policisë së Kosovës, rasti ka ndodhur në rrugën “Nëna Terezë”.
“Viktima mashkull kosovar ka raportuar se derisa ka qenë në veturën e tij, i dyshuari mashkull kosovar kishte shtënë me armë zjarri në drejtim të tij (pa pasoja) dhe është larguar në drejtim të panjohur”, thuhet në raportin e Policisë.
Bëhet e ditur se në vendin e ngjarjes është gjetur dhe konfiskuar si provë materiale një gëzhojë, ndërsa deri sa i dyshuari gjendet në arrati, rasti është duke u hetuar nga njësitet përkatëse policore.
